Жастар ресурстық орталығында Жайдарман ойындарының «2022-Жазғы кубогі» фестивалі өтті, деп хабарлайды Buqara.kz сайтының тілшісі.

Іс-шараға ішкі саясат бөлімі, жастар ресурстық орталығының өкілдері мен мектеп оқушылары қатысты. Қызықты сайыста округтардан құралған 3 команда бақ сынастып, өз өнерлерін ортаға салды.

Ал сайыстың негiзгi мақсаты — әрбір тұлғаның шығармашылық белсендiлiгiн арттыру. Сайыста қатысушылар түрлі тақырыптар аясында әзілдерін ұсынды. Үш топтың әзілдері де, көрерменнің жадында қалып, қазылар алқасының көңілінен шыға білді.

Ойын қорытындысы бойынша Жайдарман кубогін Қаратөбе аудандық округінің «Прогресс» командасы иеленіп, I-орынды жеңіп алды, II-орынды Бірлікшіл ауылдық округінің «Қыдықтама өзім күлем», III-орынды Шар қаласының «Абай KZ» командасы иленді.