Су құбырындағы ақаулықтарға байланысты Қалбатау ауылында су беру уақытша тоқтатылды, деп хабарлайды Buqara.kz сайтының тілшісі.
Қызмет көрсетуші «Жарма су» коммуналдық мемлекеттік кәсіпорны тарапынан таңғы сағат 9-дан бастап су құбыры желілерін жөндеу жұмыстары жүргізілуде.
- Қуаттылығы 10 текше метрлік сорғы 40 текше метрлік сорғыға ауыстырылуда. Кәсіпорын өкілдерінің айтуынша, бұл жұмысқа қажетті техникалар мен мамандар тартылды. Қазіргі уақытта құбыр іске қосылып, пәтерлерге су жеткізілуде, - делінген аудан әкімдігі таратқан мәліметте.
