Өңірдегі ХҚКО мамандары құжаттарды қалпына келтіру туралы сұрақтар, әдетте, азаматтардан жиі қойылатын сұрақтардың бірі екендігін жеткізді. Іс жүзінде әрбір тұрғын маңызды құжаттардың жоғалуына, ұрлануына немесе бүлінуіне тап болып, соларды қалпына келтіру туралы нақты нұсқаулықтарды қажетсінген, деп хабарлайды Buqara.kz сайтының тілшісі.

– Сонымен, көлік құралын тіркеу туралы куәлік (КҚТК) деп аталатын автомобильге техникалық паспортты жоғалтқөанда немесе оны ауыстыру қажет болған басқа да жағдайларда қалай қалпына келтіруге болады?

Атауынан көрініп тұрғандай, КҚТК – бұл көлік құралын (КҚ) тіркеу кезінде, яғни оны сатып алу немесе өзіне қайта ресімдеу кезінде берілетін құжат. Заңнамаға сәйкес, КҚТК КҚ-ның жол қозғалысына қатысуына рұқсатын растайды.

КҚТК жоғалған жағдайда автокөлік иелері үшін «Азаматтарға арналған үкімет мемлекеттік корпорациясы» КЕАҚ мамандандырылған бөліміне (мамандандырылған ХҚКО) мынадай құжаттармен жүгіну қажет: жеке куәлік, КҚТК бергені үшін мемлекеттік баждың төленгені туралы түбіртек (1,25 АЕК).

«Барлық маңызды құжаттар бір жерде, мысалы, әмиянда сақтау әдеті салдарынан бірден жоғалып кетуі мүмкін. Ол кезде бірінші кезекте жеке куәлікті қалпына келтіру керек, өйткені онсыз қалған құжаттарға тапсырыс беруге болмайды», - деп хабарлайды ШҚО бойынша «Азаматтарға арналған үкімет» филиалының баспасөз қызметі.

Сонымен қатар, аты-жөніңізді ауыстырған кезде жоғарыда аталған тізімге қосымша аты-жөніңіздің өзгергенін растайтын құжатты ұсыну қажет, ал қайта жабдықталған немесе көлік құралының түрі өзгерген жағдайда көлік құралының оның конструкциясына енгізілген өзгерістермен қауіпсіздік талаптарына сәйкестігі туралы куәлікті ұсыну қажет.

Естеріңізге сала кетейік, көліктің өзін құжаттармен салыстыру үшін әкелудің қажеті жоқ, – делінген мәліметте.