Қолға түскен күдікті уақытша ұстау изоляторына қамалды, деп хабарлайды Buqara.kz сайтының тілшісі.

Оқиға маусым айының соңында  болған. Жол-патрульдік полиция қызметкерлері Шемонаиха ауданы Камышинка ауылының  26 жастағы жергілікті тұрғыны тізгіндеген мотоциклді тоқтатқан.

– Тексеру кезінде  жүргізушінің ащы суға тойып алғаны мәлім болды. Анықталғандай, ол өткен жылы да жеті жыл мерзімге жүргізуші куәлігінен айырылған. Ұсталғаннан кейін күдікті уақытша ұстау изоляторына қамалды, – дейді ШҚО ПД баспасөз қызметіндегілер.

Аталған факті бойынша ҚР ҚК 346-бабы 1-бөлігіне сәйкес сотқа дейінгі тергеу амалдары басталды. Оның санкциясы бес жылға дейін бас бостандығынан айыру жазасын көздейді.